M.Sc / Dioplóma Iarchéime / Teastas
i nGaeilge Fheidhmeach agus Aistriúchán

- GMIT i gcomhar le Údarás na Gaeltachta agus Europus Teo. -

Le hachtú Acht na dTeangacha Oifigiúla agus Stádas Oifigiúil Oibre ag an nGaeilge san Aontas Eorpach tá mórdheiseanna nua fostaíochta san earnáil aistriúcháin. Bíonn an cúrsa ardghairmiúil seo dírithe ar dhaoine ar mian leo a bheith ina n-aistritheoirí gairmiúla agus beidh modúil ar leith sa chúrsa dírithe ar ghnéíthe eile de thionscal na teanga. Reáchtálfar an cúrsa i gCarna i gConamara ag tosú ag deireadh Mheán Fómhair. Mairfidh an cúrsa Dioplóma Iarchéime /Teastas 24 seachtain agus leanfaidh an oiliúint don MSc ina dhiaidh sin. Ní bheidh aon táille i gceist agus íocfar liúntas maireachtála, a mhaoineoidh Údarás na Gaeltachta, leis na hoiliúnaithe. Glacfar le hiarratais ó chéimithe le honóracha i nGaeilge, ó chainteoirí dúchais Gaeilge a bhfuil céim in ábhar eile acu agus ó dhaoine lánfhásta gan na cáilíochtaí thuasluaite a léireoidh i dtástáil phraiticiúil go bhfuil ardchaighdeán i scríobh na Gaeilge agus an Bhéarla acu. Is ar bhonn agallaimh agus scrúdú scríofa a roghnófar daoine. Seol iarratas mar aon le CV roimh 10 Iúil 2008 chuig: Áine Ní Chonghaile Europus Teo. An Comhlacht Teanga An Cheathrú Rua, Co na Gaillimhe Fón 091 572082 .... Faics: 091 572 335 .... r-phoist: eolas@europus.ie